ვებგვერდის ხარისხი – ახალი SEO ფაქტორი Google-ში

ორიოდე კვირის წინ Google- მა დაანონსა Web Vitals – მეტრიკის ახალი ნაკრები, რათა გაზომოს ვებგვერდის ხარისხი იუზერის მიერ მისი მოხმარების ეფექტურობა. გასულ კვირას მათ განაცხადეს, რომ ეს მეტრიკა დაიწყებს მთავარი ალგორითმის განახლებას, როგორც საიტების შეფასების ახალ გზეას, მათ მიერ შემოთავაზებული ნორმების და პარამეტრების საფუძველზე. ეს განახლება ეტაპობრივად გააქტიურდება 2021 წელს.

UX მნიშვნელობა, რეალობა

2010 წელს Google- ში განაცხადეს, რომ საიტის სიჩქარე გავლენას იქონიებს რანკის განსაზღვრისას. 2018 წელს Google აკვირდებოდა და ყურადღებას აქცევდა გვერდების სიჩქარეს მობილურვერსიებში. ახლა Google აანონსებს ახალ განახლებას, რომელიც მოიცავს მრავალფეროვან ახალ ან განახლებულ მეტრიკებს – სხვადასხვა ინსტრუმენტების ერთად გამოყენებას სხვა ფაქტორებთან ერთად, რათა შექმნან ვებგვერდის ხარისხი ახალი სტანდარტით.

რას გულისხმობს ახალი სტანდარტი? იდეალურ სამყაროში, თქვენ დააჭირეთ ძიების შედეგად ნაპოვნ ბმულს და შესაბამისი გვერდი მაშინვე გამოჩნდება. თუმცა ეს მხოლოდ ოცნებაა. წლების განმავლობაში, გვერდები ზომაში გაიზარდა და JavaScript- ის პოპულარობამ მათ კიდევ უფრო რთული და დატვირთვა შესძინა. ელვისებური სწრაფი ინტერნეტ კავშირებითა და ძლიერი მოწყობილობებითაც კი, ვებ გვერდი შესაძლოა ხარვეზებით ჩაიტვირთოს. მომხმარებლებისთვის ასევე შეიძლება სტრესული იყოს გვერდების ჩატვირთვის მოლოდინი. რომ აღარაფერი ვთქვათ იმ შემთხვევებზე, როდესაც ვებგვერდზე კლიკისას საერთოდ სხვა რეზულტატი ან არაფერი იტვირთება.

ხარისხიანი გვერდი აძლევს მომხმარებელს საშუალებას უფრო მეტად იყვნენ ჩართული პროცესში და მარტივად მიიღონ ის რასაც ეძებენ, ამის საპირისპიროდ, ცუდი ხარისხის ვებ გვერდი მხოლო აფერხებს და არასასურველს ხდის ძიების პროცესს. Google

Web Vitals – დასაწყისი

2020 წლის მაისის დასაწყისში Google-მა წარმოგვიდგინა Web Vitals – როგორც ახალი მეტრიკა, რათა დაეხმაროს ვებმასტერებს აამაღლონ საკუთარი ვებგვერდის ხარისხი. ამ ახალი მეტრიკის ფარგლებში, მოცემულია მეტრიკის ქვესათაური, რომელზეც ყველა საიტის მფლობელი უნდა ფოკუსირდეს, ე.წ. Core Web Vitals. Google- ის თანახმად, “Core Web Vitals არის რეალურ სამყაროში, მომხმარებელზე ორიენტირებული მეტრიკის ერთობლიობა, რომელიც განსაზღვრავს მომხმარებლისთვის შექმნილ მნიშვნელოვან ასპექტებს.”

თითოეული Core Web Vital ათვალიერებს გვერდის სტრუქტურის გარკვეულ ნაწილს და ახდენს საიტის ხარისხის რეპორტინგს. Core Web Vitals ხელმისაწვდომია ყველა Google ინსტრუმენტში, რომლებიც შეამოწმებს გვერდის ხარისხს.

Core Web Vitals ვითარდება და უახლოეს მომავალში სრულად წარმოგვიდგება, როგორც ახალი ინსტრუმენტების პლატფორმა. 2020 წლისთვის Google- მა დაადგინა სამი კონკრეტული ფოკუსური კომპონენტი:

  • ჩატვირთვის სისწრაფე,
  • ინტერაქტიულობა,
  • ვიზუალური სტაბილიზაცია

dziritadi-komponentebi

ეს იქნება ის სამი ძირითადი კომპონენტი, რომელიც თავის თავში მოიცავს კიდევ ბევრ დეტალს, რაც საჭირო იქნება ახალი სტანდარის ვებგვერდების ხარისხის დასადგენად.

Google ახალი სტანდარტი განახლდება 2021 წელს

Google-ს ხშირად ედება ბრალი, რომ არ აქვს საკმარისი კომუნიკაცია კომუნიკაცია SEO ვებმასტერებთან და საიტების მფლობელებთან. წარსულში, ჩვენ ვნახეთ მრავალი ძირეული ალგორითმის განახლება, რომელიც მოხდა ადრეული დაანონსებების და გაფრთხილებების გარეშე. დღეს Google როგორც ჩანს, უფრო კომუნიკაბელურია ვიდრე ოდესმე. ამ ალგორითმის განახლების შემთხვევაში გუგლი ორჯერ გაგვაფრთხილებს: პირველად სტანდარტში ცვლილების შეტანის ანონსით და ექვსი თვის შემდეგ განმეორებით, ერთხელ, 2021 წელს განახლებული ინფორმაციის ამოქმედებამდე.

ასევე იხილეთ:

ნელი საიტები მოინიშნება Chrome ბრაუზერის მიერ

ნელი_საიტები

ვებ საიტები, რომლებიც ნელა იტვირთება ცუდი ან უხარისხო კოდინგის გამო, Google-მა მალე შეიძლება უარყოფითად მონიშნოს Google Chrome ბრაუზერში.

Google- მა განაცხადა, რომ იგი მუშაობს “სიჩქარის ინდექსის” რამდენიმე სისტემაზე, რომელიც აცნობებს ვიზიტორებს იმას, თუ რატომ სჭირდება გვერდის ჩატვირთვას დიდი ხანი, რა ხარვეზებია მასში და მონიშნავს მას შესაბამისი ნიშნით.

ვარიაციები მოიცავს ტექსტურ მაფრთხილებელ ნიშნებს, ასევე სხვადასხვა მაფრთხილებელ სიმბოლოებს – საიტის სისწრაფის მიხედვით.

ამ პარამეტრის დანერგვის ზუსტი თარიღი ამ დროისთვის უცნობია.

ბლოგში Google- მა განაცხადა, რომ დაიწყო პროექტი “დაეხმაროს მომხმარებლებს” იმის გაგებაში, თუ როდის შეიძლება იყოს საიტი ნელა ჩატვირთვადი, ნორმალურია თუ არა ეს შენელება კონკრეტული გვერდისთვის.

ასევე მონიშნოს შესაბამისი სტანდარტები შესაბამისი ღილაკით, რათა მომხმარებელი უფრო ადვილად გაერკვეს საიტის ტექნიკურ გამართულობასა და ხარისხში.

განცხადებაში ასევე ნათქვამია რომ ისინი მუშაობენ სპეციალური მეტრიკის შემუშავებაზე.

მეტრიკა თავის მხრივ დეველოპერებს გაუადვილებს საქმიანობას. ტექნიკური ხარვეზების და უხარისხო კოდის შემთხვევაში მისცემს რეკომენდაციებს მათ გამოსასწორებლად ან შესაცვლელად.

გარდა ამისა, გვერდები ხშირად ნელა იტვირთება, რადგან ისინი ელოდება რეაგირებას საიტზე ჩაშენებული სხვადასხვა რესურსებიდან, როგორიცაა სარეკლამო ქსელები, სოციალური მედიის ვიჯეტები ან კოდი, რომელიც აანალიზებს მომხმარებლის ქცევას.

ინდიკატორები შეიძლება შეიცავდეს ტექსტს, რომელშიც ნათქვამია, რომ გვერდი “ჩვეულებრივ იტვირთება ნელა” ან შეიძლება შეიცვალოს პროგრესირების ზოლის მინიშნება იმის შესახებ, რომ გვერდი ჩამორჩება სტანდარტულ მაჩვენებელს.

ბლოგში Chrome- ის ინჟინრებმა განაცხადეს, რომ საიტების იდენტიფიცირების გეგმა იქნება დახვეწილი და შეიქმნება ვებსაიტების გასაუმჯობესებლად.

ჩვენ გვაქვს ძალიან ფრთხილი მიდგომა, რაც პირველ რიგში ითვალისწინებს მეტი კომფორტის შექმნას მომხმარებლისთვის, თუმცა მეორეს მხრივ დეველოპერებს აძლევს საშუალებას მარტივად დახვეწონ თავიანთი ნამუშევარი

ბაზრის კვლევის ფირმა Statista– ის მონაცემებით Google- ის Chrome ბრაუზერს იყენებენ ინტერნეტ მომხმარებელთა 64%.

Google- ის გეგმა გააკრიტიკეს Hacker News- ის ვებსაიტზე, რომელსაც ძირითადად იყენებენ პროფესიონალი დეველოპერები.

ზოგიერთს ეჭვქვეშ აყენებს იმას თუ რამდენად ზუსტია იმის დადგენა, რატომ არის საიტები ნელი.

ბევრი ამბობს, რომ გვერდები უფრო მეტად ნელდება სარეკლამო და სხვა გარე რესურსებით, ვიდრე ცუდი კოდირებით.

კომენტარებში ასევე გაიჟღერა რომ ეს მაფრთხილებელი ნიშნები იქნება “სირცხვილის ნიშნები”.

ასევე გვხვდება მოსაზრება რომ სისწრაფე დამოკიდებულია იმაზე, თუ როგორ ათვალიერებს ბრაუზერი ვებსაიტს.

ასე რომ საიტები შეიძლება იყოს უფრო სწრაფი Firefox- ში, მაგრამ Chrome- ში ნელი და მაინც მიიღოს  “სირცხვილის ნიშანი”.

 

Google-მ Huawei დაბლოკა და ლიცენზია შეუჩერა

Huawei-google-Banned

Huawei შარშია

გასულ ხუთშაბათს ამერიკის მთავრობის გადაწყვეტილებით სავაჭრო ნიშანი Huawei შავ სიას დაემატა.

გუგლმა შეწყვიტა პარტნიორობა ჩინურ გიგანტ ჰუავეისთან, რაც გულისხმობს აპარატურის ტექნიკურ მომსახურებას და პროგრამულ უზრუნველყოფას. ეს შეზღუდვა არ ეხება უკვე არსებულ მოწყობილობებს. თუმცა ტექნიკური განახლება არსებულ მოწყობილობებზეც მაქსიმალურად შეიზღუდება.

huawei-ban

Google აღარ მისცემს Huavei-ს ტექნიკურ ლიცენზიას Android-ზე

რას ნიშნავს ეს?

ყველა ვინც ფლობს Huawei-ს მოწყობილობებს, რომლებიც მუშაობს Google-ს ოპერაციულ სისტემებზე, მიიღებენ მხოლოდ იმ განახლებებს რომლებიც აქამდე იყო დაგეგმილი და შეთანხმებული. თუმცა სამომავლოდ ეს პროდუქტი თუ მომსახურება მათთვის აღარ იქნება ხელმისაწვდომი. მაგალითად: Huawei-ს ტელეფონები აღარ მიიღებენ ანდროიდის და მასზე მომუშავე აპლიკაციების განახლებასა თუ ლიცენზიას.

Huawei ლიდერია სმარტფონების წარმოების რაოდენობით მსოფლიოში. Android სისტემაზე თავისუფალი წვდომის დაკარგვამ კი შესაძლებელია საფრთხე შეუქმნას კომპანიის მომავალს. ეს მოვლენა ასევე პრობლემებს შეუქმნის კომპანიას ამერიკულ და მსოფლიოს სხვა ბაზარზეც. თუმცა როგორც ჰუავეიში აცხადებენ, ამ ცვლილებისთვის მზად არიან. აქვე აღვნიშნოთ რომ Google-ს ძალიან ბევრი პროდუქტი თუ აპლიკაცია ჩინეთში აქამდეც დაბლოკილი იყო.

ჰუავეის პრობლემა ამით არ სრულდება

შეზღუდვების ჯაჭვი გრძელდება. ჰუავეიმ ასევე შესაძლოა დაკარგოს წვდომა ჩიპების და პროცესორების მწარმოებელი კომპანიების ლიცენზიებზეც.

შესაძლოა კომპანიებმა Intel, Qualcomm, Xilinx და Broadcom უარი თქვან ჰუავეისთან თანამშრომლობაზე და შეზღუდონ მათი პროდუქციის გაყიდვა კომპანიაზე.

როგორც ჩინური გიგანტის წარმომადგენლები აცხადებენ ისინი მზად არიან ამ ცვლილებისთვის და გამოიყენებენ თავიან ოპერაციულ სისტემას.

სოციალური ქსელი Google+ დაიხურა

google-plus-closed

Google-მა საკუთარი სოციალური ქსელი დახურა

საძიებო პლატფორმის გიგანტმა Google-მ, 2011 წელს ამოქმედებული სოციალური ქსელი დღეს დილით დახურა. ეს იყო კომპანიის პირველი წარუმატებელი მცდელობა, ჰქონოდა სოციალური ქსელი. ამის შესახებ BBС წერს.

კომპანიის ინფორმაციით, ეს გადაწყვეტილება სოც. ქსელის პოპულარობის დაკარგვის გამო მიიღეს. ცნობილია, რომ თითოეული ექაუნთის მფლობელის ინტერაქცია საშუალოდ 5 წამზე ნაკლებ ხანს გრძელდებოდა. სოცქსელის გაუქმებაში დიდი როლი ითამაშა 2018 წლის კიბერთავდასხმამაც, რა დროსაც 52.5 მილიონი ადამიანის პირადი ინფორმაცია გასაჯაროვდა. ამ სოციალური ქსელის გაუქმების შესახებ ინფორმაცია 2018 წლის ოქტომბრიდან იყო ცნობილი.

მაშინ, როცა სხვა ტექნოლოგიური გიგანტები სერვისების გაფართოებას ცდილობენ (მაგ, Apple), აღიარებს, თუ არა Google სოციალური ქსელის დახურვით საკუთარ წარუმატებლობას? თუ ეს კომპანიის მხრიდან მოსალოდნელ, საინტერესო სიახლეებზე მიგვანიშნებს?

ასევე იხილეთ:

წყარო: marketer.ge